‘ਕਾਲਾ ਗੁਲਾਬ ਚਿੱਟੀ ਮਹਿਕ’ ਕਵਿਤਾਵਾਂ, ਗ਼ਜ਼ਲਾਂ ਅਤੇ ਗੀਤਾਂ ਦਾ ਸੰਗ੍ਰਹਿ ਹੈ। ਇਸ ਸੰਗ੍ਰਹਿ ਦੇ ਕਵੀ, ਗ਼ਜ਼ਲਗੋ ਅਤੇ ਗੀਤਕਾਰ ਹਨ ਬਹੁਤ ਹੀ ਸੁਲਝੇ ਹੋਏ ਅਤੇ ਅਨੁਭਵੀ ਸਾਹਿਤਕਾਰ ਮਹਿੰਦਰ ਸਿੰਘ ਦਿਲਬਰ ਜਿਸਦੀਆਂ ਰਚਨਾਵਾਂ ਵਿੱਚ ਮਾਨਵ-ਵਾਦੀ ਵਿਚਾਰ, ਪ੍ਰਕ੍ਰਿਤੀ ਦੇ ਕਾਇਦੇ ਕਾਨੂੰਨ ਅਤੇ ਪ੍ਰਦੂਸ਼ਣ, ਬਸਤੀਵਾਦੀ ਵਲੋਂ ਅਰੰਭਿਆਂ ਅੰਤਰ-ਰਾਸ਼ਟਰੀ ਅਤੰਕਵਾਦ, ਸਮਾਜਿਕ ਵਿਸੰਗਤੀਆਂ ਅਤੇ ਸਮਾਜਿਕ ਤਬਦੀਲੀਆਂ, ਸੱਭਿਆਚਾਰਕ ਭਿੰਨਤਾ, ਰਾਜਨੀਤਕ ਨੇਤਾਵਾਂ ਦਾ ਸ਼ੋਸ਼ਣ, ਮਜ਼ਦੂਰ ਅਤੇ ਮਾਲਕ ਦਾ ਸੰਬੰਧ, ਅਮੀਰੀ ਅਤੇ ਗਰੀਬੀ ਗ੍ਰਸਤ ਲੋਕ, ਧਾਰਮਿਕ ਅੰਧ-ਵਿਸ਼ਵਾਸ, ਰਾਸ਼ਟਰਵਾਦ ਦੇ ਪੈਰੋਕਾਰਾਂ ਦੇ ਚਰਿਤਰ ਅਤੇ ਧੜਾ ਧੜ ਬਣ ਰਹੇ ਜੰਗੀਂ ਸਾਜਾਂ ਸਾਮਾਨਾ ਉਪਰ ਪ੍ਰਸ਼ਨ ਚਿੰਨ੍ਹ ਲਾਉਣ ਵਾਲੇ ਵਿਚਾਰ ਅੰਕਿਤ ਹਨ। ਖਾਸ ਕਰ ਦਿਲਬਰ ਪੰਜਾਬ, ਪੰਜਾਬੀ ਅਤੇ ਪੰਜਾਬੀ ਸੱਭਿਆਚਾਰ ਵਿੱਚ ਆ ਰਹੀਆਂ ਗਿਰਾਵਟਾਂ ਨੂੰ ਆਪਣੀਆਂ ਰਚਨਾਵਾਂ ਦਾ ਵਿਸ਼ਾ ਬਣਾਉਦਾ ਹੈ। ਪੱਛਮੀ ਕਲਚਰ ਵਿੱਚ ਧੁੱਸ ਦਿੰਦੇ ਪੰਜਾਬੀਆਂ ਵਾਸਤੇ ਉਹ ਬਹੁਤ ਫਿਕਰਮੰਦ ਹੈ। ਪੰਜਾਬੀਆਂ ਦੀਆਂ ਪਰਵਾਸੀ ਚੇਤਨਾਵਾਂ ਅਤੇ ਪੰਜਾਬ ਦੀ ਧਰਤੀ ਦਾ ਭੂਹੇਰਵਾ ਅਤੇ ਮੁਹੇਰਵਾ ਕਵਿਤਾਵਾਂ ਵਿੱਚ ਬਰਕਰਾਰ ਪੜ੍ਹਿਆ ਜਾਂਦਾ ਹੈ। ਕਵੀ ਨੇ ਆਪਣੀਆਂ ਕਵਿਤਾਵਾਂ ਰਾਹੀ ਸ਼ਹੀਦਾਂ ਦੀ ਕੀਰਤੀ ਵੀ ਗਾਈ ਹੈ।
‘ਮੈਨੂੰ ਤਾਂ
ਕਿਸੇ ਵੀ ਤਿਉਹਾਰ ਤੋਂ
ਵੱਡਾ ਲੱਗਦਾ ਹੈ ਮਨਾਉਣਾ
ਇਹ ਤੇਰਾ ਸ਼ਹੀਦੀ ਦਿਨ। ਸ਼ਹੀਦ ਪੰਨਾ 79
‘ਮੈਨੂੰ ਤਾਂ
ਕਿਸੇ ਵੀ ਤਿਉਹਾਰ ਤੋਂ
ਵੱਡਾ ਲੱਗਦਾ ਹੈ ਮਨਾਉਣਾ
ਇਹ ਤੇਰਾ ਸ਼ਹੀਦੀ ਦਿਨ। ਸ਼ਹੀਦ ਪੰਨਾ 79